梁家輝冧愛妻 送禮冇上限

左起：莊思敏、太陽珠寶有限公司總經理高俊傑、熊黛林、梁家輝、澳門太陽城集團主席周焯華、周汶錡、太陽珠寶有限公司執行董事方奇輝、Mandy Lieu與林莉主持剪綵儀式。

昨日澳門太陽城集團首家珠寶鐘錶旗艦店太陽臻薈SUNLUXE Collection舉行開幕酒會，集團主席周焯華一早到場招呼賓客，場面熱鬧。大會特別邀請影帝梁家輝及名模周汶錡、熊黛林、林莉、Mandy Lieu等現身主持剪綵，而丹麥亨利克親王亦大駕光臨。

梁家輝透露近日因趕拍新戲，連明日的十九年一遇的中西情人元宵佳節，他都要開工，記者笑問太太可有投訴？他笑說：「我去邊佢就去邊，冇投訴，情人節嗰日要喺片場度過，已經收咗早班通告，希望早啲收工返屋企煮飯仔。」那可會送禮物給太太？他笑言打算即場揀選：「呢度啲嘢好靚亦好貴，（銀碼不設上限？）冇上限，我已經將一生送畀佢，冇得計，只要襯佢戴得靚就得，佢唔戴首飾，但呢度啲錶好靚，造工好精緻。」此外，有傳爾冬陞執導的電影《三少爺的劍》，因彭于晏耍大牌而被飛，家輝力撐對方說：「我相信佢唔係呢種人，我同佢合作過《太極》及《寒戰》。」

Mandy Lieu對珠寶首飾有興趣，性感捧場。

丹麥亨利克親王亦來到賀，周焯華親自款待。

熊黛林唔敢赴約

而熊黛林就表示農曆新年發高燒生病，但仍然打麻雀耍樂，並大發新年財，笑指這是一個好開始，問她可會認為情場失意賭場得意？她即笑說：「咁我要留喺澳門賭錢碰吓運氣喇！」她又謂今年的情人節不想再當朋友的電燈膽，寧願孤獨度過，她說：「都有約會，不過費事惹人誤會，都係情人節後先出去。」至於莊思敏亦自爆有追求者，但就同樣拒絕於情人節跟對方約會，以免發放錯的訊息。問到早前拍得她跟妹妹男友陳司翰外出，被指向對方「訓話」？她否認說：「嗰個唔係佢，係我一個好朋友，只係生得同樣咁高大啫！」

梁家輝冧爆謂已將一生送畀老婆。	熊黛林	林莉、莊思敏