城城自誇抵用
「牛魔王」郭富城對《大鬧天宮》拍續集感雀躍，提到老闆王海峰指眾星片酬高，城城說：「我唔貴，好抵用，比起子丹、發哥，我最抵用，但片酬都係畀經理人處理啦。」問檔期如何？城城表示工作忙不停，但仍可抽空接拍：「八月應該拍緊《寒戰2》，都可以度期，睇到劇本先。（《寒戰2》都有發哥？）希望係，希望多啲對手戲啦。」
城城下月將到北京拍新戲至七月，當中有打鬥戲，提到腳傷未愈，他說：「有同媽咪講，佢冇詐型，依家做緊物理治療，要三個月先好番，但基本動作冇問題。」城城首次執導的電影正挑選編劇，希望明年開拍。