發哥再鬧天宮要問老婆

「宇宙最強」甄子丹、國際巨星周潤發、金馬影帝郭富城、內地新人夏梓桐及張梓琳等，昨晚出席星皓3D電影《西遊記之大鬧天宮》慶功宴，並宣布內地票房勁收8.6億元人民幣（約11億港元），香港則收2,500萬港元。現場眾星打破刻着數字15億的冰雕，寓意總票房邁向15億港元。

老闆王海峰決定八月拍續集，會投資逾四億人民幣，在北京及橫店等地取景，並加入五至六個新角色，已落實有古天樂演唐僧，黃曉明則未決定，記者指古仔膚色較黑，王海峰說：「佢唔曬係唔太黑，可以話唐僧取西經，紫外線好勁o架嘛。」他直言對票房感喜出望外，問是否有錢賺？他說：「收埋呢幾日先有，我只佔40%。」

發哥笑言是否拍續集要問老婆。	眾演員打破冰雕，希望《大鬧天宮》的票房可突破15億。	演女媧的張梓琳對票房報捷感興奮。

片約不斷勁忙

發哥受訪時說是否拍續集要問老婆，在旁的發嫂陳薈蓮說：「八月？未知，仲有其他工作，好多都係之前傾落。」發哥說：「係，個期七國咁亂。（咩國家嘅戲？）咩都有，西片同印度片都有。（拍續集怕唔怕辛苦？）子丹辛苦啲，我搵碌嘢撩撩吓，動作場面都係攤開手腳『We暈暈』就得。」問發哥可否減片酬？他說由發嫂決定。

發哥得知古仔演唐僧時大讚他靚仔，談到古仔皮膚黑，他笑說：「搵檸檬水漂白啦！佢唔曬係唔黑嘅，青靚白淨。（有興趣合作？）未合作過喎，但玉帝同唐僧一個天一個地，可能冇咩對手戲。」

子丹帶老婆汪詩詩到場，得聞電影拍續集感開心，但接拍與否視乎很多因素，對於王海峰希望他減片酬，子丹說：「好平喇喎，已經係友情價，平過收楊受成、陳德森，佢仲問我可唔可以收10年前嘅價，同佢講做人唔好咁貪心。」

視乎老闆誠意

談到八月拍續集，子丹說屆時要跟武指師傅袁和平合拍《臥虎藏龍II鐵騎銀瓶》，要看王海峰是否有誠意遷就。問是否替《3D紫荊俠》做武指？他表示未知情。提到子丹工作忙，詩詩笑言已設家規，要子丹返家後不可提公事。

文：影視組