三太呻「女婿」冇拜年 爆超雲未有着落

昨日東華三院董事局舉行新春團拜，賭王何鴻燊三太陳婉珍以主席身份現身。記者問三太如何跟賭王慶祝元宵佳節？她聽罷即甜笑說：「食餐飯，（會唔會親自下廚？）不嬲都會下廚，（送咩畀何生？）佢送花畀我，我送咩就唔好講喇！」

哪三子女是否都會一起共度？怎料三太竟大爆秘密說：「個個都有拖拍，佢哋自己有節目啦，（超雲都有拍拖？）佢就係唯一一個冇囉！」看來與藝員陳山聰甩拖後，超雲還未有新戀情。記者追問久未露面的超雲現在忙甚麼？三太表示超雲正揀選一些簡短課程攻讀。

吳克羣正與超蓮熱戀，經常有蜜照流出。

超雲與陳山聰甩拖後仍未有新戀情。

至於新春期間留港的超蓮可有偕男友吳克羣向她拜年？她續說：「冇喎，（咁猷啟有冇帶女友同你拜年？）佢哋都返咗英國讀書喇！」

仔女未做得總理

此外，即將卸任主席的三太又謂感激過去一年得到很多人的幫忙，令很多計劃如學校重建等都能順利完成。問她會否推舉子女做總理？她笑說：「佢哋比較後生，等多幾年啦！」

而同場的東華總理王賢誌就透露與東華三院關係密切，父親王忠桐在2000年當主席，自己亦將會做主席，笑言還有很多東西要學習。他又謂新年與家人在港度歲，並收到很多利是，還被追問何時派利是呢？

文：名人組