寶珠潮跳鄭多燕 減磅再唱
近月為演出粵劇《再世紅梅記》而「冇啖好食」的陳寶珠與梅雪詩（阿嗲），雖然趁新春期間「小休」，但為求以最佳狀態迎接下月《再世》Part 2演出，，兩位名伶忍口向美食說不！阿嗲以雞肉餐單纖體瘦身，寶珠則潮跳鄭多燕figurerobics出汗減磅！
任劍輝與白雪仙的愛徒陳寶珠與梅雪詩，上月於文化中心為任白慈善基金完成首11場《再世紅梅記》演出後，稍作休息，日前兩人與擔任是次演出統籌的高太開會，為下月移師演藝學院、四月轉戰澳門的演出商量細節，積極備戰。
戲台上，寶珠飾演唐滌生筆下「風度翩翩美少年」、「宋玉身材」的裴禹，寶珠真身本已纖瘦，但她仍嫌不夠fit，更緊貼潮流，在家中對着韓國瘦身女王鄭多燕MV大跳figurerobics，她說：「我有啲啲肚腩，以前每朝6、7點會去公園做吓柔軟體操、慢跑，但上次做完《紅樓夢》，個人懶咗，會同自己講『天氣咁凍，唔好咁早起身啦』！到天時熱，又話『咁熱，都係唔好住』。」後來寶珠自覺不是辦法，便去學跳拉丁舞：「想出身汗，『鄭多燕』我都有跟住電視跳過，新抱仔都有一齊跳，其實啲動作唔難，又有唔同程度，但跳完第二日手腳會好痠痛！」
騷後食buffet自我獎勵
至於渴望減肥的阿嗲，因腿部有舊傷不能跳舞，還好她有獨家瘦身秘方，不辜負舞台上李慧娘的「水像脂融」，她說：「我腳有勞損，唔痛嗰陣會跑跑步機。我肥嘛，花旦要瘦！依家靠食雞餐減肥。」阿嗲減肥餐單一味靠雞，雞加蘋果、雞加芝士或蔬菜，量可以任食，連食8日，即可減7、8磅，不過因為近日禽流感肆虐，阿嗲透露暫時叫停：「唔敢食，好在啱啱食完咗，我食嗰陣（禽流感）未有依家咁猖狂！惟有食少啲，完成晒演出呢，我就去食buffet獎勵自己，哈哈！」
文：影視組
攝：沈健程