王祖藍派「傷風」利是

王祖藍、黃智賢、張繼聰、何雁詩等無綫劇《食為奴》演員，前晚出席尖沙咀飯局欣賞劇集首播，抱恙的祖藍笑言派「傷風」利是。他又稱若收視理想會回報大家：「滿漢全席又好，着內衣又好，乜都得，大家話點就點，哈哈。」祖藍得悉黃智賢打算請客，便與對方商量，堅持出一半錢，認真夠義氣。
王祖藍（右）與黃智賢爭畀錢埋單，最後夾錢收場。
王祖藍（右）與黃智賢爭畀錢埋單，最後夾錢收場。

黃智賢表示之前在橫店拍攝時已想請大家食飯，但一直難以集齊人。他又稱特別想請今次冇到的胡定欣：「因為拍一場我同定欣、萬綺雯輪住咀嘅戲，一路拍都唔知自己甩咗鬚，後來同定欣啲戲份要重拍，花多咗五個鐘，咀戲又好好彩冇事唔使重拍。」

《食為奴》台前幕後前晚相約食飯睇首播。
  • 《食為奴》台前幕後前晚相約食飯睇首播。