李蕙敏性感開騷 鎮宇口痕唱兩嘴
入行25年的李蕙敏（Amanda）即將舉行首個演唱會，已為人妻的她揚言會在個唱上冇底線晒性感，更隔空向老公「施壓」一定要撐場，而吳鎮宇及一眾好友就拍片預祝Amanda個唱成功，鎮宇更透露有意上台一展歌喉，與Amanda合唱《歲月如歌》。
李蕙敏昨日舉行演唱會記者會，她的一眾好友吳鎮宇、張衞健、蘇永康、梁漢文、草蜢等都有拍片支持，鎮宇更向Amanda畀「心心」，表示如果時間許可的話，好想同Amanda合唱《歲月如歌》，而一班好友又大爆Amanda的花名「大隻妙」，搞到Amanda相當感動。
控制情緒唔好喊
等待廿年終於舉行個唱的Amanda，揚言屆時會「冇底線」性感獻唱，問到外籍老公Serge可會上台支持？Amanda撒嬌說：「一定要嚟，唔嚟會嬲，不過佢好百厭，唔知會唔會上台，只要佢乖乖哋坐喺度睇就得。」
至於老公可會點唱？Amanda笑言：「平時佢會唱老歌，我同佢跳舞，今次想盡量唱多啲歌，我都好頭痛呀。」至於可擔心到時會感動到淚灑人前？她笑指：「我都驚呀，我要盡量控制自己唔好喊！」
又問Amanda為何被起朵為「大隻妙」？她笑言因為自己身形高大而有力，所以當年被好友稱為「大隻妙」。
文：音樂組