Janice睇900萬村屋
身為黎明愛將的衞蘭（Janice），近年工作量寥寥可數，但卻愈住愈豪，貫徹專揀偏僻地段的口味，近日密密睇樓升呢做業主！《好報》拍得衞蘭日前偕同男友人到大嶼山東涌睇剛落成、全幢叫價約900萬元的村屋。
衞蘭對這幢三層高的村屋十分鍾情，不時以手機猛拍四周環境，又仔細視察每層的間格，逗留超過兩小時才一臉歡喜離開，臨走前更主動跟男友人抱抱道別！收入一般的衞蘭，近年只是間中返內地登台，商場騷及品牌活動幾乎絕迹，但對作價近千萬元的村屋依然甚有興趣，單是首期至少要有450萬現金，可見她水頭充足！
