Ana R.旺夫細屋搬大屋

混血名模Ana R.昨晚以pink lady打扮出席所屬模特兒公司的開年飯，剛為人妻的她甫到場即向師弟妹大派利是，她說：「其實之前都有派，不過婚後就係首次，啲人知我結咗婚就個個都問我攞利是，我今年準備咗一萬蚊利是。」

Ana又透露近日忙於搬屋，由細屋搬大屋，她說：「我有60箱嘢，老公得7箱，老公畀我全權負責買傢俬，但就唔准買Hello Kitty同青蛙，唔想屋企太cute。之前相士話我哋兩個好夾，會互相旺大家，好難可以搵到。老公嘅事業發展到馬來西亞，依家搬去1,300呎新屋亦已經係好運嚟。」

Ana派利是，同門師弟妹人人有份。
  • Ana派利是，同門師弟妹人人有份。