千語十年後生仔信林峯掂

吳千語昨日出席時代廣場「金龍醒獅賀新歲」活動時為醒獅點睛，之後又滾動龍珠行大運，被追問起今年會否有好消息公布？才20歲的她直言計劃30歲前生小朋友，但現時結婚就暫未想過，記者笑指屆時怕林峯年紀不輕（44歲）無心無力？千語即說：「唔會啩？咁快？男人遲結婚唔緊要，加上大家如果唔知我哋年紀，睇落都仲好後生啊！」

滑雪當做運動

千語又開心透露二人早前去了北海道滑雪四天，之後男友就要返港拍劇，問到是否再預支蜜月？千語笑說當做運動，但再問何時返廈門拜年？她卻稱未有機會：「其實我去過廈門一次做嘢，再等有機會先，順其自然，我哋都有打電話互相向大家屋企人拜年。」千語又表示去年沒有前往廈門拜年，不過林峯家人來港時，雙方也有一同吃飯。

千語笑言跟林峯都咁後生，十分合襯。（資料圖片）

千語獲蜜蜂打扮的小朋友送上蜜糖，寓意跟男友林峯甜到漏。

男友都搵唔少

提到有報道指她游說林峯收山去爭百億家產，千語無奈說：「新年流流，人哋屋企人咁好，咁warm嘅family，點解要講到爭家產，好唔吉利，唔好寫到咁離譜，事實係相反，佢哋屋企人好團結；我知道男友做嘢都做得幾好，唔會退出，計劃仲有一段時間，（會唔會贊成佢返去打理生意？）呢個佢決定，唔會畀咩評語，佢都搵唔少啊！」千語直言工作上雙方給予很大空間，明白大家的運作，不會加插太多意見和干預。另外，林峯透過經理人表示對無聊報道不作回應。

文：影視組