肥媽美國「再嫁」感動勁喊

去年接受割子宮瘤手術的肥媽，昨日在美國「再嫁」葡籍老公Rick，肥媽接受長途電話訪問時表示：「我去洛杉磯登台，順便結婚呀，其實去年都搞過一次，不過就係玩玩吓，氹老人家開心，今次就好唔同啦！」肥媽又話今次的婚禮相當驚喜，皆因全由老公「靜雞雞」安排，她說：「去年做手術前，老公話如果我醒番就再娶我，我都係去到洛杉磯先知咋，佢好秘密咁Book晒所有嘢。」肥媽又話在牧師主持婚禮一刻，自己已經喊到收唔到聲。