羅鈞滿衰超速扣爆分停牌

羅鈞滿昨日到粉嶺法院應訊接受處罰，被指在前年三月廿一日至去年十一月三日間，因違反交通規例被扣共十七分，法庭判他吊銷駕駛執照三個月，而根據法庭紀錄，今次是羅鈞滿首次因扣滿分而被停牌。

張文采叮囑小心

事後羅鈞滿接受電話訪問時，直認被停牌，更笑言會「重新做人」：「係近呢兩年嘅扣分，可能以前啱啱開始揸車，唔熟路同燈位。今次係返公司嗰時，本來車速50，我揸咗60幾，都係自己唔小心，遲啲攞番個牌，要重新做人！（女友張文采有否特別叮囑？）都有，自己都會揸慢啲，以後都會小心。」問到近年是否官非纏身，他即笑言應驗去年被師傅批中對機器操作有問題，更指會拜神求保佑。

而羅鈞滿於今日撇低女友，與好友到歐洲旅遊，回港後便會為台灣節目進行拍攝。

另一案件待開審

早在去年，羅鈞滿先在四月將座駕停泊在窩打老道116號外的行人路上，被控違例泊車，最後他呈上從地政總署取得的上址草圖，證明該地段屬私人路段，因此不構成非法泊車，加上控方證人未能清楚看到車輛超出私家路範圍，被裁定罪名不成立。之後六月又被控不小心駕駛，案件仍未開審，昨日再因交通違規而遭扣滿分，官非重重，可謂非常黑仔。

文：專案組