松岡high爆嗌幸福

有林德信（左二）陪過生日，松岡（右）笑得分外甜。

松岡李那上月30日在中環一餐廳舉行生日派對，慶祝28歲生日，適逢當晚是農曆年三十晚，松岡決定舉行一個中國服生日會，她與室友兼Girls Kingdom另一成員日模山內藍同穿上高衩中國旗袍，兩人並束起春麗髻，造型性感又可愛，出席的朋友大約30名，包括林德信和日本通王友良等，林德信與松岡大方合照，儼如男主人，松岡連環切了兩個心形生日蛋糕，並有許願，各人玩至年初一凌晨盡興而回。

係公開嘅好朋友

松岡說：「生日好開心，好幸福，（林德信都有嚟？）好朋友梗喺度，大家係公開嘅好朋友，唔出奇，佢上年都有嚟我生日會，今年最開心係好多好姊妹都有出席，（生日願望？）希望今年有多啲工作，有多啲新嘗試。」事業心強的松岡，去年工作極為進取，但踏入農曆新年，已向公司請假兩個月，至3月才復工，期間到英國旅行，稍後會返日本探屋企人，實行為自己充電，馬年再努力工作。

松岡與林德信的緋聞傳足兩年。（資料圖片）	松岡（左）28歲生日，與山內藍以春麗look上陣。	松岡生日許願，想跟「好朋友」開花結果？

文：名人組