林欣彤糕招氹嫲嫲

林欣彤、胡鴻鈞、馮允謙及高鈞賢早前相約食開年飯，為食的鬼仔Jay希望新一年練出「朱古力肌」，但轉個頭卻大大啖「上海蛋餃」，他笑謂：「依家得一大舊（腹肌），我日日跑步、搵教練做gym，想要多幾舊好似張家輝咁，依家已經減食澱粉質，食少咗至愛嘅薯片。」談到新年傳統習俗，在旁的Mag即嘲笑他：「佢話新年玩燈籠！」尷尬的Jay急急解釋：「我知係中秋玩，啱啱有少少唔記得啫。（新年會做乜？）我哋會食『一打嘢』，有新年糖、椰子嗰啲。」眾人一頭霧水之際，Mag即充任翻譯小姐：「佢指全盒呀！」

高鈞賢全力搏殺

以往有嫲嫲煮賀年菜的Mag，表示對方年紀大行動不便，故今年希望可親自下廚孝順老人家，問其廚藝是否了得？她說：「唔敢講，但食得落肚，最拿手係自己熬湯底煮烏冬，有人教嘅話都想自己整年糕、蘿蔔糕畀嫲嫲食。」

高鈞賢（左起）、馮允謙、林欣彤及胡鴻鈞約埋食開年飯，夠晒熱鬧。	高鈞賢去年斷腳筋，損失不少工作。	馮允謙大獻殷勤，餵林欣彤食「冬筍烤肉」。

Hubert指逢年三十均與家人到花市買桃花，問是否渴望桃花？他說：「唔關事，桃花都可以催人緣，最緊要媽咪覺得桃花夠大，唔需要再買其他新年擺設。」

去年斷腳筋甚黑仔的Matthew說：「我要專心工作，第一次斷腳筋已經冇咗幾套劇。」他希望參演劇集有好成績，Matthew又希望覓個成熟女，稍後又會大搞自創時裝品牌。

文：影視組　

攝：劉智源

場地：滬江飯店（尖沙咀）