臥底佘晒穿心腿 自誇玲瓏
無綫小生林峯及花旦佘詩曼新正頭便要趕拍劇，昨日更在街頭上演群毆戲，拳來腳往兼出動木棍，Chok峯一個靚轉身，圍觀女粉絲即大叫「好型」！演臥底的阿佘自覺八面玲瓏，她拍攝時亦有出穿心腿，事後她自爆被木棍打到手，幸無大礙。
林峯、佘詩曼及梁烈唯昨日在灣仔街頭拍新劇《使徒行者》，演蠱惑仔的林峯與一眾演員打鬥，由大街打到後巷，更出動木棍，阿佘亦用穿心腿踢退敵人，引得大批市民駐足圍觀，期間林峯Chok住轉身揮棍，不少女粉絲都叫：「好型呀！」
手臂中招幸無大礙
林峯笑言新年拍打戲，可讓大家鬆鬆筋骨開個好年。提到新年放了三日假與女友吳千語到日本旅行，問林峯是否意猶未盡？他說：「唔會，返嚟就要專心工作。（仲會抽空同女友見面？）大家都喺香港工作，OK嘅。」對於千語曾表示買情人節禮物有壓力，林峯說一切隨心便可。
阿佘表示被木棍打到手臂，只痛了一下幸無大礙，問新年期間有否節食保身材？她笑說：「唔使，我食極唔肥。」對於闊別多時再拍無綫劇，她說：「好鍾意個角色，我演嘅臥底唔係咁沉鬱，比較八面玲瓏。」提到好友梁靖琪離婚，阿佘說已得知一段時間：「我開工前有成日同佢一齊，我哋有畀啲開心佢。（佢依家心情點？）要問佢，我相信佢好堅強，識處理。」
梁靖琪證冇第三者
而梁靖琪昨在微博多謝各方好友關心：「我與Aaron的確和平地分開，當中不涉及第三者，我倆仍是好朋友！」
另外，梁烈唯早前註冊結婚，問會否盡快生B，下年逗利是？他說：「我都想，但呢樣係天賜，即係做完騷就有錢收咁。」
文：影視組