城城自封醒神睇齊發哥
貴為兩馬馬主的郭富城化身「騎師王」，在新春活動上騎駿馬架勢登場，非常風騷！戴住「金超」的城城在駿馬上繼續chok擺甫士，一手揸韁繩一邊揮手。他不讓「賭神」周潤發專美，自封「醒神」，又搖身一變做財神大派利是，拎住大疊利是的城城絕不手軟！
郭富城昨午到海港城出席「金龍獻瑞及福星高照醒獅賀歲」新春活動，着住黃色唐裝上衣加閃爆「金超」的他騎着駿馬出場，非常威風！繞場一周後，他上台向圍觀市民拜年，已經賺到盆滿缽滿的城城跟足傳統「接財神」，之後即跳起說開心到飛起，並為醒獅點睛。之後城城化身財神拿出大疊利是派，豪氣表示：「周潤發係賭神，我就係醒（城）神！」
撐《大鬧天宮》添食
城城有份主演的電影《西遊記之大鬧天宮》在內地上映3日已衝破3億票房，他表示十分鼓舞，希望可以原班人馬拍續集，有傳黃曉明和古天樂會加入演出？他說：「唔清楚，不過多啲演員加入係好事，相信觀眾都會想睇。」問他可會想嘗試其他角色，城城似乎對「牛魔王」情有獨鍾：「牛魔王都幾好吖，顛覆咗以往嘅性格。」
執導電影緊張改名
他又指今年將主力拍電影，至少開拍四部戲，亦希望馬年可以完成自己執導的電影劇本：「故事大綱寫好晒，希望馬年可以完成埋啲對白，改埋個戲名，個名好重要！」提到資深演員午馬離世，城城表示遺憾：「好突然，我第一部戲就係同佢合作，佢教咗我好多嘢。佢係好有實力嘅演藝人，好有經驗，係電影圈嘅損失。」
文：音樂組