秘戀楊崢3個月黃宗澤：好啱key

現年33歲的無綫小生黃宗澤（Bosco）與現年38歲的名模楊崢驚爆戀情！二人因「食」結緣，在廚房擦出愛火花，秘密相戀3個月，經常以情侶姿態出席朋友間聚會，前日二人更被目擊在西貢十指緊扣拍拖行街，女方更餵Bosco食曲奇，高調晒恩愛！昨日Bosco承認二人戀情醞釀中，並大讚對方是好女仔，好啱key！

黃宗澤秘密與名模楊崢拍拖三個月，據知二人常以情侶姿態出席朋友聚會。（資料圖片）

黃宗澤（Bosco）自2012年與胡杏兒分手後，一直強調未有着落，但原來真命天女是比他大5年的名模楊崢，二人更已秘戀3個月。Bosco與楊崢早已認識，但直至Bosco與杏兒分手後，二人才多加聯絡，加上Bosco早前踩過界搞飲食業，向來對飲食方面甚有研究的楊崢給他不少意見，兩人經常談食，由廚房開始發展出姊弟戀！二人的戀情在朋友間已是公開秘密，兩人常以情侶姿態出席朋友聚會。據知Bosco喜歡楊崢為人率真，雖然入行多年依然夠真及不看重物質；楊崢則欣賞Bosco孝順及有上進心。

旁若無人　以為拍戲

前日約下午3時多，Bosco與楊崢被目擊在西貢街頭十指緊扣拍拖，男方頭戴冷帽及黑超，女方則穿上紅色褲，甚為搶眼。由於當日是大年初四公眾假期，西貢人山人海，但二人懶理旁人目光，繼續拖手親密行街，楊崢全程甜笑。之後兩人入了一間曲奇店，楊崢更主動餵Bosco試食曲奇，盡展熱戀中的甜蜜。當時店外已聚集了廿多名巿民圍觀，有途人更大叫Bosco名字，不過二人仍旁若無人地親熱，有圍觀者還誤以為他們正在拍戲。

楊崢

黃宗澤愛吃，更染指飲食界，向來對飲食有研究的楊崢啱晒嘴形！

黃宗澤

嗜好相近　互相欣賞

昨日記者致電Bosco求證，被問到是否與楊崢拍拖時，他直言：「醞釀中，互相了解，我哋識咗好多年，私下冇聯絡，畀啲發展空間，多謝大家關心。（有冇去佢屋企拜年？）未，了解吓先！」他不忘大讚女方說：「佢係一個好好嘅女仔，好聰明，我哋有共同嗜好，大家都鍾意煮嘢食，好啱key。（楊崢為你下廚？）未，（係咪你煮畀佢？）我都想！（喺西貢拍拖好揚？）呢啲係正常社交活動，大家一齊食嘢啫。（咁細件曲奇都share？）哈哈！食嘢梗係細細啖。（好唔好味？）好好味！（介唔介意佢大過你？）女仔最重要係溝通到，互相畀到正能量就得。」