莊思敏拜姻緣石氣喘

模特兒莊思敏自與吳浩康甩拖後，雖曾與富二代林忠豪及王大業傳緋聞，但最終都未有下文，已單身三年的她坦承恨拍拖，聽聞不少朋友拜過姻緣石後也覓得好姻緣，於是她也照辦煮碗前往拜求一番。拜姻緣石必要走上一條長長梯級，到達時她已經氣喘兼出汗，笑言求姻緣也要付出。
拜姻緣石要走長梯級，睇吓大家有幾誠心。
拜姻緣石要走長梯級，睇吓大家有幾誠心。

莊思敏自言年紀不小，故選擇對象會以結婚為大前提，她稱歡迎朋友介紹，甚至相睇、婚姻介紹所也不拘，她說：「不過我唔鍾意異地戀，亦唔鍾意外國人，想搵番講廣東話嘅人做對象，溝通方便啲。」問她會否轉性，找同性作伴侶？她有保留地說：「暫時唔會，將來嘅嘢冇人知。」

誠心上香，祈求良緣。
  • 誠心上香，祈求良緣。
莊思敏摸過姻緣石，望馬年有好消息。
  • 莊思敏摸過姻緣石，望馬年有好消息。