許廷鏗鄭俊弘出獅有名 爭星夢一哥
無綫去年吸納「星煥國際」兼成立「星夢娛樂」，令「巨星幫」及「星夢幫」出身的許廷鏗（Alfred）及鄭俊弘（Fred）齊齊簽約星夢，由於一山不能藏二虎，即傳出兩人爭一哥地位，趁住新年，兩位「阿哥」來到武館格鬥，二人舉起獅頭比武，Fred成功以絕招「咬腳」得分。
腿粗慘被咬
擁有一對「粗腿」的Alfred大笑說：「嘩！隻腳咁粗可以食三日。」對於爭一哥傳聞？Alfred否認說：「係傳媒寫出嚟。（對呢個一哥名反感？）未係時候，仲係好新，未孭得起呢啲名銜，出面真係有好多唔同公司一哥一姐，如果嗌慣咗星夢一哥，唔小心喺真係一哥一姐面前嗌咗就核突，我哋仲係小朋友，畀啲空間我哋長大。」
唐人街採青
曾於加拿大求學的Fred每年新年都會在當地唐人街舞獅：「三歲已經學功夫，跟住就開始舞獅，好懷念每年去唐人街採青同逗利是。（有冇試過受傷？）有呀，試過跌斷手。」問到父母有冇阻止？Fred說：「冇，叫我小心啲。」
鳴謝：姜偉忠龍獅團
服裝：Mijosu
文：音樂組
攝：林楠