周麗淇提男友甜笑亂噏
藝人周麗淇（Niki）昨日約下午5時現身香港機場，身穿白色上衣和戴上黑超的她，甫見記者即友善的企定定影相和受訪。Niki表示準備前往多倫多為演唱會綵排，但因時差問題不清楚回程日期，問到會否在當地和男友徐正曦過情人節？她謂：「唔會啦，太凍啦！（要交人？）嘻嘻！」
一講到男友，Niki全程甜笑，不過就全部答非所問。問到今年是否拍拖後第一年過情人節？她即笑住「」記者並說：「OK啦，恭喜發財。（準備咗禮物？）未知呀。（送自己？）嘩！咁核突！」問到有否向男友父母拜年時，她就拋潮語謂：「唔講呢啲啦！講呢啲？新年流流講呢啲？（佢去你度拜年？）唔話你知，低調啲，下次你問佢啦。」