姚子羚 龔嘉欣買桃花蜂擁而上

同居密友龔嘉欣和姚子羚（Elanie）齊聲表示新年必定要買桃花，皆因Elanie聽聞桃花要擺足三年，嘉欣則自爆去年買桃花的蝦碌事：「棵桃花送到嚟我哋呆咗，一打開超大棵！我哋夾手夾腳搬出露台，棵桃花仲生到出外牆，最搞笑係棵桃花吸引咗啲蜜蜂嚟。」問到有否因此帶來良緣？Elanie笑謂：「有就有，不過係我哋個化妝師，佢轉過盆桃花即刻有拖拍。」
龔嘉欣（右）與姚子羚感情要好，同居多時絕少爭拗。
龔嘉欣（右）與姚子羚感情要好，同居多時絕少爭拗。

兩女已有一段時間沒拍拖，雖然心急想搵另一半，但都希望以工作行先。嘉欣笑言若姻緣到亦不抗拒，她謂：「大前提係佢要接受到我做呢行，一定唔可以影響我嘅工作。」

兩位靚女祝大家新一年人人叻爆、煩惱拜拜。
  • 兩位靚女祝大家新一年人人叻爆、煩惱拜拜。