城城錫住隻腳 棄凌空舞姿
郭富城農曆新年前於內地舉行巡迴個唱，表演跳彈床凌空舞蹈期間發生意外，導致左腳韌帶受損，城城在醫生建議下休息，且決定稍後的巡唱放棄相關環節。城城笑言：「當時第一時間通知媽媽，免得佢擔心，佢咪就係『報案中心』囉。（阿媽催婚？）冇催好多年啦，佢有孫湊嘞，況且我事業心重咗啲。」
這個農曆新年，城城坦言會抽時間陪屋企人，稍後會投入內地電影的拍攝工作。至於他首部自編自導作品，城城謂：「其實故事大綱早已諗到，不過因為不時有其他嘢做，驚冇咁快完成所有編劇工作。」記者再兜圈問他可有在家擺放桃花，城城笑答：「我屋企擺桃花最靚嗰個位，要嚟放咗跑步機嘞。（搬開幾日啫。）唔通將部機擺上床攬住瞓咩﹗」