城城馬戲雙旺 財源滾滾

郭富城主演的賀歲片在內地票房報捷，難怪他昨日到沙田馬場支持愛駒「愛的呼喚」出賽，為愛駒打氣時，全程表現風騷和充滿信心，又跟馬迷和粉絲揮手打招呼，並以雙手做出恭喜發財的手勢。現場的馬迷一見他即大叫和拍照。城城的愛駒於第十場賽事中跑第三，身為馬主的他亦獲得十一萬五千元獎金，甫踏入馬年即發新年財，旺場又旺財，可謂雙喜臨門，新一年有個好開始。雖然城城在賽事進行期間並沒有走出廂座的看台觀賽，但賽事完畢後，他依然笑容滿面，心情極佳，似乎未有因愛駒跑第三而感到失望。

讚愛駒有Heart

城城離開廂座時還跟馬迷聊了幾句，他說：「其實今次係個檔位唔好，總之佢（愛駒）跑得好好，大家都有錢贏呀，買位置都有錢贏。」之後他接受記者訪問時就首先恭祝大家說：「祝大家馬年進步，好似『愛的呼喚』咁，我好開心佢跑第三，今次喺好外檔，完全冇Cover，佢今年成長啲，好有Heart，好似我咁。」他還雙手豎起拇指以表揚愛駒。

城城愛駒「愛的呼喚」出賽，他親自到沙圈打氣。

城城對愛駒表現滿意，做出OK手勢。

昨日出席馬場賀歲盃活動的還有蘇施黃、藝人何傲芝、李碧琪、前天氣女郎黃婉曼及藝人陳法拉舊愛Neway太子薛世恒等。早前患上甲型流感（H1N1）的蘇施黃被問到現在身體狀況如何，她說：「仲有兩聲咳，少少痰，不過真係好番晒。好彩係過年前病，病嗰時連坐都唔得，坐坐下要瞓低，好似畀人拆散咗咁。（有冇食雞？）我冇食雞兩個月喇。（會唔會戒雞？）又唔會戒，因為雞係中國人其中一樣好重要嘅食材，冇新鮮雞食我寧願唔食。」

城城祝大家馬到成功，瓣瓣掂。	蘇施黃與財神大派利是。	Lynn最近抱恙，昨留言病愈，可以出動去玩。

Lynn復活出動

另外，城城舊愛熊黛林（Lynn）昨日在微博上載了一張她扮美妮的素顏照片表示自己已退燒，復活了的她該出動了，不過只能用肢體語言，因她失聲了，但仍覺得能玩就挺開心。

文：名人組