子丹爆圓圓吊完威吔行唔到

集三大紅星甄子丹、周潤發、郭富城主演的賀歲片《西遊記之大鬧天宮》，於1月29日上映，截至昨日下午，香港票房已達五百七十萬，成績相當不俗！子丹在戲中飾演孫悟空，入型入格之外，戲中扮演彩雲仙子的汪圓圓亦有驚喜，連子丹亦大讚超水準：「佢有一場戲要吊威吔扮馬騮，因為佢係第一次吊威吔，所以都幾辛苦，但佢冇投訴亦好落力去做，都算捱得，不過之後成個禮拜行唔到！」