子華糕招增肥 阿田除鞋襯番
視帝黃子華與視后田蕊妮等藝員前晚到荃灣亮相無綫賀年節目，蜜運中的子華明顯增了磅，並自誇日日都sweet，他還說要狂食年糕增肥二、三十磅。子華又在台上笑稱現場的女士都比他高，阿田即搞鬼地脫去高踭鞋遷就子華。
早前被踢爆與圈外女友共築愛巢的視帝黃子華，前晚與視后田蕊妮等現身賀年活動，子華在台上笑稱現場的女士都比他高，阿田即搞鬼地脫去高踭鞋遷就子華，兩人受訪時又擺Chok爆甫士。
留鬚被阿媽鬧爆
明顯增了磅的子華說馬年大計要為棟篤笑度橋，又笑說要繼續增肥：「新年可以放肆食糕，之前啲人話我瘦，今年試吓盡量增肥，起碼二、三十磅，增到有抗議聲音先停。（係咪拍拖甜到漏所以增咗磅？）日日都sweet啦。」
子華透露因留了鬚被媽媽鬧：「佢話睇唔慣，佢仲當我係六歲。」他又準備到女友家拜年，問可擔心被親友催婚？他笑言：「咪搵啲利是塞住佢把口囉。」
田蕊妮最近忙拍新劇《無雙譜》，分飾多角的她坦言幾乎演到精神分裂。阿田稱利是錢會加碼，新年假期又會與老公杜汶澤到緬甸修行兼充電，問是否打算乘機造人？她笑說：「唔好啩，冇呢個計劃，叫阿澤休息吓啦，佢拍完套AV都好辛苦。」
鄭俊弘豪派利是
同場的鄭俊弘說用了五位數封利是，更準備了五百張簽名相當利是派給粉絲，問會否到緋聞女友姜麗文家拜年，他說：「唔會，佢父母唔喺香港，但會打電話畀佢爸爸Paul哥（秦沛）。（姜麗文會去你度拜年？）都唔會，我阿媽去咗旅行，我哋互拜啦。」
文：影視組