莊思敏識「撈」 踩過界做導演

模特兒莊思敏返家鄉馬來西亞探親過新年，踏入新一年她願望事業更上一層樓：「希望拍多啲電影，有多啲角色、工作上新嘗試，因為未拍過劇，都好想拍吓，今年會嘗試做導演，執導微電影。」談到當地華人賀年習俗她表示不得不提傳統食品「撈起」，將不同的配料如鮑魚片、魚生、甜酸醬及麵底用長筷子撈埋一齊，整個動作「了」得愈高愈好，寓意撈得風生水起。
莊思敏的開年飯豐富得令人流晒口水！
莊思敏的開年飯豐富得令人流晒口水！

身為拿督女兒，莊思敏稱家人只會給她四位數利是，並非「億億聲」，她笑說：「其實喺香港收嘅利是面額仲大啲，馬拉通常係五蚊同十蚊紙幣，兌番港紙得十幾廿蚊。」她又分享一次收利是的爆笑經歷：「見過有uncle派多咗畀阿姨鬧，uncle反而話有得派先叫有福氣、有能力，所以利是呢啲真係冇得慳o架。」

談到結婚問題，莊思敏坦言一切隨緣。
  • 談到結婚問題，莊思敏坦言一切隨緣。