Alice B.食物中毒入院

混血模特兒Alice B.昨日出席活動時透露前日因食物中毒和脫水而入院，她說：「喺醫院逗留咗5、6個鐘就出院，病情唔係太嚴重，我呢兩日都瞓咗好多。（你食錯啲咩？）唔知，可能係蛋同魚，又或者係壽司，醫生叫我戒口，唔好食咁油嘅嘢，同埋依家食雞有啲危險，我都唔會食雞住。（有無瘦到？）我諗有少少，我會飲多啲水同keep住食嘢，唔想瘦，想健健康康。（有無人照顧你？）我個flatmate，不過我主要都係瞓。我都有打電話畀我喺英國嘅爹哋，同屋企人傾完偈感覺好啲。」