許廷鏗做超級阿四大鬧公司
許廷鏗（Alfred）、鄭欣宜、胡鴻鈞和吳若希（Jinny）四位星煥幫歌手，去年在各大頒獎禮上成績優異，成為一股樂壇新勢力。眾人為報答老闆何哲圖（Herman）在過去一年的栽培，特地化身「阿四」，幫公司大掃除。
Alfred、欣宜、胡鴻鈞及Jinny四位星煥歌手，雖然去年底已隨老闆Herman轉到星夢娛樂，但依然以星煥歌手的名義在剛過去的四大頒獎禮上大放異彩，奪得多個重要獎項，令外界對這班後起之秀刮目相看。年近歲晚，四人特地約好一同返回公司，好好答謝去年為他們勞心勞力的老闆Herman。
合力整蠱老闆
四人決定化身星級版「清潔工」，落手落腳替公司打掃衞生，雖然欣宜還未動筆簽約星夢娛樂，但仍返到舊公司幫手，除為自己歷年來的獎座抹塵外又擦乾淨公司招牌。Jinny就化身辦公室阿姐抹枱；而Alfred和胡鴻鈞兩位男士則負責吸塵和抹獎座。
至於老闆Herman的工作枱，則由四人合力清潔，不過期間他們卻玩多過做，更大膽玩埋老闆一份。先有欣宜拿着抹塵的毛巾話要幫Herman抹頭，而Alfred就手持清潔獎座的長毛掃替老闆梳頭。連向來乖乖仔的胡鴻鈞亦手執吸塵機加入戰團，在老闆身上亂吸一通，慘遭仔女圍攻的Herman非但沒有發嬲，而且還相當受落。
繼續交好成績
談到新一年大計，Herman稱：「舊年成績咁好，希望佢哋新一年可以突破自己，繼續交出好成績。」至於欣宜的去留問題，Herman表示希望早日和欣宜及她的家人取得共識。而自言去年成績超額完成的Alfred，對新年願望表示：「我會加倍練好唱功，同埋想做多啲唔同類型工作。」
文：音樂組