黃婉曼有料到！ 初三賀歲馬畀貼士
新年新氣象，連睇馬都有新睇法。嚟緊年初三賽馬日now就會推出全新賽馬直播頻道。now668賽馬新睇法就為馬迷帶嚟嶄新嘅功能，例如操控直播、自選評述、互動數據庫、隨身睇等等，直播前後都有唔同資訊提供，助你快人一步，洞悉先機。而家我黃婉曼就同大家率先睇睇有乜新搞作。
自選評述可揀商台聲道
為now668馬迷帶嚟另一個突破性嘅功能─「自選評述」。除咗有馬會提供廣東話同英文兩條聲道之外，仲加埋雷霆881商業一台嘅粵語評述。而家呢個社會咩都講自由、講選擇，大家可以同我一樣，根據喜好，畫面同聲道自己揀，組合一個為你而設嘅賽馬直擊，順便支持埋自己鍾意嘅賽事評述員都仲得呀。
操控直播幫你快速搜畫
平時睇賽馬，難免會有甩漏，萬一錯過睇心水馬匹嘅行圈狀態，又或者趕唔切睇贏馬一刻，都實在幾頭痕。好彩now668嘅新功能「操控直播」就畀咗我一個賽馬新睇法。除咗直播中嘅賽馬直擊可以即時叫播叫停，仲新加咗快速搜畫，令我可以先搵番心水馬仔片段作重點跟進，夠鐘再飛番去現場直播，絕對唔會錯過任何一幕精彩畫面。加埋五月推出嘅「重點跳播」，就唔使由頭開始重新搜畫，搵自己想睇嘅片段就話咁易啦。
互動數據庫5月強勢推出
對於我呢啲馬壇「新丁」嚟講，要由唔同渠道去搜集最新賽事情報，都咪話唔麻煩。不過now668就同我一樣嘗試跳出傳統賽馬頻道框框，5月開始會為新舊馬迷提供全新互動數據庫，可以響電視啲資料出嚟睇，包括參考排位表、跑道檔位資料、馬匹賽事同晨操片段、即時賠率等等。無論係賽前準備，定係直播途中，只要一開now TV嘅互動功能，所有整理好嘅資料都一目了然，仲使乜搵嚟搵去呀？
隨身睇手機睇馬無限制
講完咁多，可能你會話「我賽馬日睇唔到電視喎，咁點算先？」絕對唔使擔心，而家睇馬唔使喺屋企！只要用你嘅智能手機、平板電腦、電腦打開now隨身睇App（now player），用now ID登入之後，就可以同步收睇賽馬直擊同埋賽事重溫。一機在手，隨時隨地都可以投入賽馬世界。
資料：由客戶提供