Chilam派吉祥物保粉絲平安
去年憑無綫劇《衝上雲霄 》Cool魔一角人氣急升的張智霖（Chilam），前晚玩「衝入年宵」，他在逼到爆的年宵市場搞簽名會，吸引約二百粉絲排隊，期間Chilam大派海報及揮春，更笑言自己的紀念品可以鎮家宅、保平安！
張智霖前晚在維園年宵市場舉行新碟簽名會，二百張簽名籌一早被秒殺，排隊等簽名的人龍更排到年宵市場外面，認真誇張。Chilam一上台就將自己的海報及揮春掟落台下，途人一窩蜂爭奪，Chilam更笑說：「我嘅紀念品可以鎮家宅、保平安！」
預備加大碼利是
Chilam又說自己每年都會行花市湊熱鬧，問可擔心被途人認出？他表示：「大家都好有秩序，會互相打招呼同講恭喜說話。」Chilam又揚言今年會封大利是：「一定會封大啲，派多啲，等身邊嘅朋友可以分享我嘅快樂。」
老婆讚新碟好聽
講到新碟銷量，Chilam指首批約一萬張的新碟已經出晒貨，第二批會在下月中推出，問到在新碟翻唱其他歌手的經典舊歌可有壓力？Chilam坦言：「開頭都會驚，但唱完《歲月如歌》之後反應都好正面，只要唔係唱衰咗就得，希望原唱者聽完會覺得OK。」Chilam謂老婆袁詠儀聽完其新碟都大讚好鍾意，為即將舉行演唱會的他打下強心針。
文：音樂組