三哥爆華嫂情況理想
苗僑偉（三哥）昨日為代言法國名酒品牌「威利來」站台，出席活動時與品牌港區主席羅盛宗，及華潤萬家董事總經理陳元主持相關儀式，場面熱鬧。
爭取時間休息
三哥被追問有關演協延期選主席一事，及黃秋生有意退選種種相關事情，他淡然表示︰「少少誤會啫。（如果秋生當選，陳芷菁話會退會喎。）唔會嘞，大家都係為咗件事好，總之和氣生財啦。（會唔會安撫吓邵音音？）都係誤會，以為邊個咁大膽叫流會，其實嗰時決定流會，都係個適當選擇。（嗰日到場覺得好尷尬？）過咗去，冇謂講。」
至於好友黃日華太太梁潔華證實患上壞血病，三哥指已經致電問候︰「本嚟諗住去探吓佢，但黃日華話暫時唔好，要爭取時間休息。我有同佢太太講咗幾句，佢聲音好精神，情況向好。（黃日華心情點？）佢輕鬆嘅。」而同場的導演劉觀偉透露4、5月將開拍另類電影，演員名單暫時未落實，但已計劃於中、港及外國取景，投資龐大。
文：影視組