甄子丹自嘲傻佬

子丹昨日與遊戲品牌代言人岑麗香、司儀林曉峰一同現身發布會，而獎門人曾志偉就突然踩場，惟完成儀式後就匆匆離開。子丹雖然公事繁忙，但閒時也陪太太打機，只是通常都輸給對方。而近日他忙於為新片《西遊記之大鬧天宮》宣傳，提到日前發哥勸他要收收脾氣，子丹說：「講笑啫，邊個無脾氣啊？但我會聽發哥意見，今次學到好多嘢，多謝發哥。（郭富城都話你嬲得有道理？）我責任唔同佢哋，要顧埋安全，如果吊威也跌咗發哥落嚟點算？我唔想有錯漏，同埋化晒成個妝，我都好難講嘢。」

為家人包場

子丹又承認今次壓力很大，因之前大家見過很多孫悟空，近年其葉問一角又深入民心，故自己下了一番苦功：「六部機影住真係好難入戲，全部又要自己幻想，唔係傻佬都投入唔到！」子丹又稱這次是從影以來首部合家歡電影，故上映時會包場跟家人欣賞。

另外，說起新片《臥虎藏龍II鐵騎銀瓶》的電影方發聲明，指暫時他和楊紫瓊一角是無可取替，子丹也承認對方很有誠意：「都係個期未搞掂，但都七七八八，（你會有咩條件？）唔係條唔條件，係我都想同師傅袁和平再合作。」

放大圖片	岑麗香自認是宅女，很喜歡打機。	曾志偉（右）突然現身，逗留一會便離開。

香香愛打機

至於香香自言是宅女，從小受哥哥影響喜歡打機，問到若將來男友只顧打機不理她怎辦？香香即說：「或者兩個一齊打囉，每樣嘢都唔可以過量。」

文：影視組