軟硬紅館放笑彈扯旗惡搞
軟硬前晚在紅館開騷，演唱會上林海峰和葛民輝貫徹其搞鬼作風，全程大放笑彈！而林海峰無懼老婆監場，播出被爆乳OL胸襲片段，更笑言碎料一件！兩人更去到盡，不惜踩界「製旗」，將五星旗、米字旗私有化，雙雙被惡搞成「軟硬旗」！
組合軟硬共八場的《麥當勞麥麥嘻麥麥哈軟硬嘻哈OPERA 2014》前晚假紅館正式開鑼，全晚林海峰（Jan）和葛民輝使出渾身解數，更不顧形象，穿上女生校裙戴假髮扮學生妹大唱大跳，不時露出打底「孖煙囱」，令觀眾笑爆肚！演唱會以多條短片間場，其中一條短片請來爆乳靚女與軟硬做對手戲，Jan更艷福無邊獲靚女請食波餅，引來台下尖叫連連。
愈夜愈放的兩人之後在台上表演扯旗，安排身穿英國御林軍服裝的舞蹈員打開一面二次創作英國旗，中間「米」字圖案變成軟硬Logo，兩人更惡搞英女王，將自己樣子key成英女王頭像。玩完英國旗後Jan和阿葛又將目標轉到五星旗，將星星改為軟硬標誌，以輕鬆手法玩盡中、英時期的香港！
可能違反版權法
訪問時提到兩人在台上「製旗」會否擔心觸犯法例？Jan說：「唔怕，嗰支係軟硬旗，係香港人集體經歷，得我哋呢代先有經歷，唔知我哋仲有冇下個25年，趁呢個時候擺個集體記號出來。」提到Jan被胸壓，會否先向老婆彭羚備案？他說：「演出應該豁出去，呢啲好普通。」
對於兩人惡搞國旗，資深律師梁永鏗認為此舉可能違反版權法：「國旗屬於版權作品之一，未問准而作出改動，有可能違反版權法。」他又指惡搞國旗有可能貶低國旗，至於會否觸犯國旗法，則視乎各國法律條文而定。
文：音樂組