茵媺拍劇爭視后子珊歡迎挑機

半年內秘嫁陳豪兼生B的陳茵媺，接受昨日出版的《好報》專訪，笑指囝囝Aiden Joshua是天生思考型，玩謝了父母，茵媺更向陳豪發表愛的宣言：「He is my rock（佢係我嘅基石），畀到我安全感。」她還希望下世都要嫁陳豪！

談到工作，茵媺不會只顧湊仔，也不會退出，還希望爭逐視后寶座：「我好鍾意做演員，自己仲有好多進步空間，做演員要有目標，我仲火辣辣！」

喜愛演戲的茵媺想爭視后。

茵媺說囝囝是天生思考型，玩謝了父母。

茵媺日前現身產後首個活動時狀態大勇，即使其酬金升至逾50萬，仍有不少商場爭相邀請她出席活動。

子珊（右）希望茵媺盡快投入拍劇。（資料圖片）

《好報》指茵媺產後身價勁升。

添哥搶頭啖湯

茵媺打算年中復出開劇，不少無綫監製圖搶頭啖湯，還希望撮合陳氏伉儷合作，就連無綫金牌監製李添勝也沒太大信心把茵媺搶到手，添哥接受電話訪問時說：「你驚佢冇人搵？陳茵媺復出一定大把人爭！」此外，不少廣告商出天價找茵媺一家三口拍廣告，但他們都不為所動，拒讓愛子曝光。

至於隨時成為茵媺爭視后最大對手的徐子珊卻冇有怕，表示希望茵媺盡快回歸：「同茵媺有合作過，佢復出當然係好事，希望公司可以熱鬧啲，多啲人拍劇，都想佢快啲瘦身成功同佢合作。」而《好報》日前又拍得陳豪駕車到尖沙咀接剛開完工的茵媺，趁機大晒恩愛。

文：專案組