洪永城：畀翠如飛咗四次

洪永城與黃翠如的緋聞傳得沒完沒了，最近又傳洪永城與林夏薇撻着，被拍得食飯兼睇舞台劇，翠如更飛甩洪永城。洪永城昨日與林夏薇在將軍澳電視城開工時，他笑說：「有睇報道，真係辛苦黃翠如！我畀佢飛咗不下三四次。同林夏薇係好朋友，嗰日我哋只係一齊去還神、睇舞台劇。」

林夏薇則指兩人因拍《單戀雙城》而成為朋友，不時會相約大班朋友睇戲食飯，今次的緋聞當是為劇集宣傳。二人亦齊聲表示不會因緋聞而避忌，會繼續朋友間的約會，保持朋友關係。