林海峰老婆面前搵女抱

由林海峰（Jan）、葛民輝組成的軟硬昨晚在紅館舉行一共八場的《麥當勞麥麥嘻麥麥哈 軟硬嘻哈OPERA 2014》，吸引官恩娜、周柏豪、吳雨霏、連詩雅、彭羚拖女與老爺奶奶捧場，舞台以三面懷舊Look設計，台側兩邊放有巨型大書及懷舊「西瓜波」。

嘲笑觀眾係怪獸

Jan及阿葛分別以全黃及全黑Look出場，並企在巨型收音機獻唱，期間大銀幕播出兩人童年照、證件相及學生相，更將巨型「西瓜波」拋落台畀觀眾傳來傳去，當Jan表示要做蒙面超人，阿葛即表示要做鹹蛋超人，抵死的Jan為搞氣氛走到台邊向住女觀眾搞Gag說：「你肯定係怪獸家長，你唔係你個仔都一定係怪獸。」

彭羚拖女與老爺奶奶齊捧老公場。

林海峰與葛民輝大晒舊相，樣子青澀。

Jan都不禁自我取笑說：「頭先嗰段我係咪好無聊兼低低哋，你哋都係低低哋。」阿葛即和認：「成熟啲，兩個星期已經買徐小鳳演唱會飛啦。」Jan表示要測試觀眾是否「低低哋」：「如果叔叔擁抱時唔推開就係童真。」阿葛攬實男觀眾，搞笑的Jan笑說：「要深入少少搵個女觀眾抱。」隨即在老婆彭羚面前攬實女觀眾。

文：音樂組