城城舞功強：甄子丹仲驚我

城城舞藝高強，笑言唔驚甄子丹武功高。

忟憎情有可原

全程以黑超「chok」爆出場的城城於講座中搞笑大爆化「牛角妝」絕非像「插雪糕筒」上頭般簡單，城城謂：「要化三個半鐘（辛苦過之前拍戲？）今次妝容要求好高，要一絲不苟！」

之後談到新片兼任男主角及武術指導的甄子丹被周潤發收斂脾氣，城城即代為解畫稱：「每人都有脾氣，佢發助手脾氣，唔係發演員脾氣。因為佢要求高，有次助手連續四、五次都配合唔到個動作，佢見到演員好辛苦就會忟憎，係情有可原！」問到他自己會否「忟埋一份」？他即笑言「子丹喺度，邊個敢出聲？」他又自爆跟子丹惺惺相識：「佢武功高強，我舞蹈都好高強，我唔驚佢o架，佢仲驚我！」

城城於浸大進行講座，與學生打成一片。

甄子丹早前被指脾氣要收斂。（資料圖片）

另外有指舊愛熊黛林與有米新歡同遊新加坡，城城先拒絕回應：「唔回應，唔關自己事。」但最後仍大方送上祝福。

文：影視組