曾志偉口術造勢 打冧敵對片

曾志偉、熊黛林（Lynn）、吳千語及鄭中基等主演的賀歲新片《六福喜事》昨晚舉行首映禮，老闆黃百鳴主持醒獅儀式後，志偉孖住吳君如現身，期間志偉發揮搞笑本色，妙語連珠將君如主演的另一新片「踩到一戙都冇」﹗他笑說：「新聞話依家禽流感好流行，千祈唔好食雞，啲乜雞都唔好掂，啲雞發瘟嘅，新年願望就係打冧啲雞。」全場忍俊不禁。

事後志偉接受訪問，談及黃秋生有意退出角逐「演協」會長一事，他自言未有聯絡秋生：「係咩？（佢話擱選喎。）佢係話各自各選呀，你哋聽錯嘞。我哋好支持佢，希望佢行番出嚟。（佢好適合？）係適合人選之一囉。」

熊黛林大呻情人節沒有男友相伴。

吳千語撇甩林峯，與林德信結伴到場。

熊黛林恨拍拖

同場的Lynn早前被拍得與異性蜜遊新加坡，她矢口否認戀情，更大爆對方其實「名草有主」。提到舊愛郭富城大方向她送祝福，Lynn謂：「咁你哋都多啲祝福我啦！如果係真嘅點解影唔到拖手呢？（以前你同城城都影唔到啦！）我都係普通女仔啫，拍拖會拖手嘅。」談到即將到來的情人節，Lynn表示寧願當電燈膽，也不會一個人過。

薛凱琪以高貴打扮出席首映。	楊千嬅	千嬅到場不久便離開，沒有與鄭中基及余思敏碰面。
黃百鳴與君如合作無間，默契十足。

另外，吳千語再次騷巨鑽現身，不過今次非林峯所送，而是贊助商六福珠寶「貢獻」，千語更大騷玉背，十分性感。

文：影視組