Rosemary網上出租 蓄勢袋發
本港模特兒界近年不景氣，不少名模為求出路都會創業，混血女模Rosemary最近投資六位數與友人合作搞手袋網，提供租用手袋服務，她稍後還會在網站中教授搭配心得，她對創業顯得信心十足，銳意成為模界女強人！
名模Rosemary最近升呢成為老闆娘，她投資六位數字與友人Bobo及Tim合作開設手袋網，她透露已籌備了一年多，近兩月才正式運作。Rosemary表示其網站以租用手袋為主，她認為該生意在香港大有可為：「其實外國已經好流行，但香港就冇乜呢類服務。名牌手袋唔平，萬幾蚊個袋，可能用一季就唔興，加上香港地方又細，邊有咁多位擺，所以好需要呢類租用手袋嘅服務，而且又環保，希望可以將呢個概念畀更多嘅香港人知道，我可算係香港首位做呢種網站嘅名人。」
歐美入貨
Rosemary稱其網站的手袋來自歐洲及美國，她由於工作的關係經常飛歐美，故可趁機入貨，非常方便，但每次入貨前都會做定資料搜集，留意最新潮流，她計劃稍後於網站內撰寫博客教女士們搭配技巧及心得。Rosemary對這盤生意信心十足，她稱先做好網上商店，如果反應好，會有機會開門巿，問到為何不叫母親Julie投資，她笑言：「佢想放手畀我自己搞嘛！佢好支持我創業。（朋友嘅反應點？）其實我冇同其他人講，唔係好多人知我搞生意，依家個網站仲係BB。」她對於成功創業感到十分開心，但不會放棄模特兒工作。
文：名人組