胡鴻鈞驚阿媽斬 唔敢整容
歌手胡鴻鈞（Hubert）近日被指由方面變V面，他坦言對不實的報道感不快，堅稱從來未做過手腳，只是角度問題，強調暫時未能夠接受整容，乖乖仔的他說：「畀阿媽斬死。」
「巨聲幫」胡鴻鈞（Hubert）早前翻唱何韻詩歌曲《化蝶》大獲好評，人氣急升的他即被是非新聞纏身，近日有指他成功踢走方面，Hubert說：「真係好奇怪有呢啲報道，已經唔係第一次講，都冇乜特別。（介唔介意被指整容？）會唔開心，不過好多朋友都同我講，算啦，都係讚我靚咗。（接受整容？）麻麻哋，始終依家年紀細，如果到咗四、五十歲先會諗。」
拍拖要報告
問到是否沒有整容？Hubert堅定說：「梗係冇啦，畀阿媽斬死，屋企人對我好嚴。」乖乖仔的Hubert透露母親會Check其行蹤，他說：「見我夜晚12點都未返屋企，會不停打電話問我喺邊。（阿媽怕你入行學壞？）唔係，我由細到大都好膽小，只係緊張我啫。」問到拍拖是否要同阿媽報告？Hubert說：「會同佢講囉，呢個係尊重。」
最鍾意唱歌
Hubert透露2014年主力唱歌，他說：「始終自己鍾意唱歌，想唱歌地位站穩陣腳先諗拍劇同拍戲，不過如果有監製賞識，都想挑戰吓。」問到會否想搵個伴？Hubert說：「唔諗拍拖住，都冇時間拍拖。（吳若希同林欣彤都單身？）過晒氣啦。」記者笑指他有機會是「同志」，Hubert風趣說：「直到自己都驚。」
文：音樂組