Winkie睇MC仁缺氧入院

HotCha成員Winkie以個人名義出新歌，她表示與新歌監製Rapper MastaMic一拍即合：「以前錄歌係好緊張，啲人成日話錄音室stupid room，入咗去就會緊張，但同Mastamic合作就好似朋友咁，從佢身上學到好多技巧，好放心將自己交畀對方！」

向MastaMic偷師

Winkie又透露想跟對方偷師，轉戰做rapper，但卻要努力練氣，因曾試過缺氧入院，可謂死過翻生！

Winkie自爆曾睇表演興奮得缺氧，笑言日後要努力練氣。（資料圖片）	MastaMic早前於頒獎禮與陳奕迅唱rap。	MC仁

她透露：「其實一路都想學rap，2014年嘅願望係同其他rapper歌手合作，但無論rap定跳舞都要練氣，因為之前試過睇MC仁（陳廣仁）表演，佢一出場我勁興奮，仲要名副其實抖唔到氣，成個人缺氧勁暈，搞到經理人要揹我去醫院，點知去到一拎身份證登記就冇事，死過翻生！」

睇好做女rapper

雖然Winkie自嘲練氣功夫未到家，但MastaMic卻睇好她做rapper：「香港太多歌手注重歌唱技巧，有時太過雕琢，忽略咗一首歌應有嘅味道同感覺，有時我寧願佢哋放開嚟唱，Winkie呢方面就做得好，同埋我成日話香港冇出名嘅女rapper，所以如果捧佢做rapper絕對係好事，樂壇可以有多啲變化。」

地點：板石@尖沙咀

Winkie服裝：NEEDFUL THINGS及COUP DE FOUDRE

Mastamic服裝：PUMA

文：L.