文詠珊時尚紅筆
代表熱情、性感的紅色令眼球有衝擊感，非常搶眼，輕易成為焦點。不過穿紅色服裝時需要注意妝容和配搭，紅色很易令人覺得似新娘，時裝作家Janice認為誇張妝容能夠帶出時尚魅力，例如今期文詠珊畫上粗眼線；如果簡約服裝，就可以以belt束起，突出線條美。Janice大讚江美儀穿的Halter neck晚裝裙好看，散發着70年代高貴韻味。
文詠珊
「畫上粗黑眼線、一字眉，成個妝容散發時尚魅力，髮型如果束起all back馬尾會更利落。依家流行鉛筆褲，佢着得幾好睇，不過西裝褸太長身，令佢對腳顯得短。」
岑麗香
「淑女裙加高踭鞋，再set個高髮髻，打扮好似闊太。但佢欠缺咗鑽飾、珠寶增添富貴感，衣着唔突出，係一個普通嘅阿太打扮。」
陳靜
「Tube dress款式幾特別，不過頭上嘅髻令佢顯得老土咗，唔夠時髦，令整個造型傳統咗。如果想提升時尚魅力，可以化個粗黑眼線妝，其實好適合年輕女仔。」
朱晨麗
「條裙太普通，雖然腰位有slim cut設計，但仍然覺得好空咁。我建議束條belt，可以更加突出輪廓，而且應該加番多啲accessories如手鏈，不過頸鏈就唔需要，因為belt已經搭夠。」
傅嘉莉
「唔錯，好有亮點。雖然條裙簡約，但識得用belt束腰，不但依家流行，而且能突顯腰線去修飾令身形更修長，再配埋特別髮型，青春可人！」
江美儀
「幾好睇，依家再次興起70年代風，佢個造型充滿70s look。Halter neck是水晶設計令成條裙顯得更加高貴，清爽短髮同清雅妝容好match，唯一美中不足係膊頭唔夠橫。」
Profile
王麗儀（Janice Wong），一位時裝作家及博客（blogger），是16年前華語媒體中首位遠赴歐美時裝周報道的時裝編輯。她經常為香港及海外的時裝設計比賽擔任評判，連美國CNN旗下亞洲生活時尚網站及香港Yahoo也分別讚譽她為「香港首位真正的時裝權威」及「時裝文化人」。