張繼聰單車繫親子情
近日忙於為電影和舞台劇開工的張繼聰，計劃在新一年於音樂方面搞點新意思，他說：「我搵農夫嘅陸永、朱凌凌成員白只同DJ Galaxy，組成『高矮肥瘦』四人組合。」他稱四人在去年的音樂會上已經表演過，又直言他們賣點是夠另類，主打快歌和跳舞歌。
不過工作忙的同時連跟太太謝安琪（Kay）和囝囝張瞻的見面時間亦相應減少：「我哋兩公婆都還好，反而小朋友就更加唔夠時間陪佢，好似之前要準備音樂會，連佢學校嘅活動我都參加唔到，我真係好後悔，所以依家一有時間就會陪佢玩。」阿聰透露平日跟囝囝的親子活動是踩單車：「佢依家踩單車仲要用輔助轆，但已經好有車手潛質。」
文：曹家誠
攝：沈健程