茵媺谷奶餵摩西傳人
陳茵媺昨日出席公開活動，這亦是她產後復工第一炮，見她火速修身回復弗爆身形，而谷奶效果令上圍豐滿非常。談到BB，茵媺透露現餵母乳為主，也有以魚湯及補品谷奶，愛心湯全由老公陳豪操刀，而囝囝英文名已改為Aiden Joshua，有摩西（Moses、陳豪英文名）承繼者的意思。
陳豪的「My Queen」陳茵媺產子後專心湊仔，昨日終復出，以半百萬酬勞任瑞士鐘表品牌LONGINES的尖沙咀中港城旗艦店開幕嘉賓，雖然產後至今只有個多月，但茵媺已火速瘦身，從側面看還盡顯谷奶效果。
怕囝囝會飲醉
對於獲讚身形弗，茵媺透露沒特別進行瘦身，只是餵全人奶：「最緊要健康，同將最好嘅營養畀BB。（飲魚湯谷奶？）係，又飲紅棗、冬蟲草同花膠湯，（老公煲湯畀你？）係，佢日日煲畀我。」由於餵人奶期間不能飲酒，茵媺於祝酒儀式也滴酒不沾，她笑指擔心喝酒會令囝囝「wing wing哋」。她又讚老公湊仔有一手：「半夜餵奶佢都會陪我一齊起身，好珍惜大家一齊經歷呢段日子。」
茵媺囝囝的英文名原本叫Aiden，茵媺昨說又改了做Aiden Joshua，並有宗教意思：「喺聖經係有成就摩西使命嘅意思，中文諗咗幾個，未定。囝囝好似歌劇歌手，一喊就最高音。」茵媺說想為囝囝搞百日宴，而日內會為新劇《單戀雙城》宣傳，已儲起足夠人奶，她又準備五月復出拍戲，頭炮會夥拍黃秋生演功夫片。對於早前被指下體出血入院，茵媺表示只是發燒。
唔講有否試奶
陳豪則於昨晚出席手機活動，對於獲太太讚煲湯叻，他笑謂：「佢都係好媽咪，（茵媺儲奶你有冇試？）唔話你知，滴落手一定要。」陳豪又說囝囝聖名意思正確是摩西的承繼者，他續謂已與無綫續約。
文：影視組