盈盈唔咀又咀禁老公睇

由薛家燕、湯盈盈、滕麗名、麥長青、敖嘉年等主演的無綫賀年劇《新抱喜相逢》下星期一晚推出，劇中本是好姊妹的盈盈與阿滕加入娛樂圈後產生種種誤會變成歡喜冤家，爭獎、爭角色、爭風呷醋鬥個你死我活，後來雙雙嫁入豪門，分別下嫁麥長青與敖嘉年兩兄弟，兩人大鬥法升級，為了在公司內籠絡人心加強勢力，竟不惜出盡法寶，派飯劵、派門票討好職員；兩人帶隊旅行，卻又搞出個大頭佛，令到家無寧日，最後也被奶奶家燕姐收服，經過連串風波後一家人難得一團和氣，卻又現危機，家族生意被騙而家道中落，患難見真情，一家人齊心進行大反擊誓要奪回家業。

今次是盈盈產後復出之作，已為人妻的她對拍咀戲耍手擰頭，但最後糊裏糊塗地「失守」，她笑說：「結咗婚就唔係咁想拍咀戲，諗住同嘉年嘅床戲都避過唔使咀，點知拍接新娘戲時個個大叫咀佢、咀佢，唔知點解就錫咗一啖，到呢場戲出街時我會熄電視，唔會畀老公睇，哈哈。」

已為人妻的盈盈，拍喜劇收放自如。

阿滕這個打扮，一睇就知是《花樣年華》造型。

阿滕喪玩角色造型

盈盈和阿滕在劇中可謂將搞笑本色發揮得淋漓盡致，兩人有不少「致敬」搞笑造型，好似扮演「少女Pi」、「前列海岸線」等，包保令觀眾會心微笑。原來盈盈與阿滕當年是同期訓練班同學，默契自然十足，她說：「我哋都有唔少爆肚演出，好似拍結婚嗰場戲，阿滕拍我手臂嘅bye bye肉整蠱我，大家都笑死咗。」少拍搞笑劇的阿滕也豁出去投入角色，除了犧牲色相以性感喱士睡衣示人；又扮「少女Pi」成為一秒女主角、後來又以性感服飾色誘乸型的麥長青，務求將他「拗直」，阿滕盡展搞笑一面。

阿滕施美人計「拗直」麥長青，兩人共諧連理。

盈盈（左）與阿滕由娛樂圈鬥到入豪門。

採訪：影視組