鎮宇處男行騷chok盡掌聲

由香港貿發局主辦的第45屆香港時裝節秋冬系列及第12屆香港國際時尚薈萃昨晚舉行Vivienne Westwood時裝展，韓星朴敏英、台灣型男吳尊、李宜錚（前名李蘢怡）、歌手周麗淇等應邀出席，吳尊換上昨午揀好的VW西裝和煲呔，問他來港兩天會否掛住一對仔女？他說：「冇，要工作，可以參加活動開心，（買小朋友衫？）無看，可能賣晒，都無買畀老婆，（成日同女星合作老婆呷醋？）要呷七年前就呷咗。」
鎮宇首次chok爆率女模行騷，似模似樣
鎮宇首次chok爆率女模行騷，似模似樣

至於吳鎮宇昨晚處男行騷，壓軸出場的他在台上chok爆，獲全場鼓掌，他表示跟品牌互相欣賞：「我鍾意呢個品牌因為夠瘋狂，如果問我會唔會同第二啲品牌合作？未諗過。」提到黃秋生有意選演協會長，鎮宇指對方不會以權謀私，笑言：「傻人通常係咁。」又講笑謂因風頭勁過對方而不會爭做會長，但會以非會員身份撐秋生。

吳尊特別設計紅封包派利是。
  • 吳尊特別設計紅封包派利是。
周麗淇少有打扮性感示人。
  • 周麗淇少有打扮性感示人。