吳鎮宇嚟真火開鏡兇導演
吳鎮宇昨日以長毛飛大賊造型現身新片開鏡，對於拍檔任達華有意把所有女演員的對手戲交由他負責，鎮宇即取笑對方因另一半吩咐所致，更指任達華家有賢妻及女兒，故不肯唸粗口對白。至於向來真性情的鎮宇，笑言開工首日便恐嚇過新導演。
吳鎮宇、任達華、古巨基、思漩等昨日出席英皇新片《衝鋒車》開鏡拜神，為配合片中非一般警匪故事，一眾演員均穿上戲服，並乘16座小巴到場，當中鎮宇的長毛飛及任達華的賊仔造型最為搞笑。鎮宇透露今次與新導演劉浩良合作，由於對方不時有新想法，所以也不會干預，只是開工首日因喉沙拍攝大場面，曾要求導演重拍，更笑指曾恐嚇過對方，大有機會可一不可再。
粗口女人全接收
而留了鬚兼戴上一頭假曲髮的任達華，透露此造型被女兒詐型，他謂：「個女唔畀我錫成個星期，太太最憎人留鬚，要分開成個月。（分房瞓？）又唔使，冇得親親啫！」對於與鎮宇演一對經常嗌交的兄弟，任達華透露雙方很有火花：「鎮宇仲有真火，火嚟火去，我以柔制剛，仲講晒粗口，我諗住將女仔戲畀晒鎮宇，佢次次畀人過一戙，唔爭在啦！」
鎮宇聞言則即笑謂：「係呀，琦琦咁樣吩咐佢，我次次拍女主角都有事，不過今次我以為思漩係保母，仲讚佢對鞋靚添！（華哥話你好有火，講晒粗口。）套戲叫2B，咁都係講少少，佢又唔制，可能家有賢妻同女啦！」
演警察的古巨基已有幾年沒拍電影，今次還有騎單車追逐戲，故為此已鍛煉了一個月。
文：影視組