廖碧兒風騷當眾相睇

視帝黃子華及女星廖碧兒（Bernice）昨晚出席《mikiki熱鬥小馬開幕禮》，榮升視帝的子華吸引大批女Fans舉牌撐場，他亦親民地主動走向Fans堆影合照，又不停轉甫士任影，在稻草上又瞓又踎擺Chok樣，令女Fans喪叫！

年尾辦棟篤笑

子華又以新方式獻唱該卡通片主題曲，他笑說：「商場冇要求我唱，但我對佢感情好深，fans最好每日都聽，會變得好精神！」並表示懷念與梅艷芳合作拍《男歌女唱》，片中教對方唱歌的日子。問到會否再度拍劇？他表示忙於做多部戲的「串星」，之後會為卓韻芝新片客串數日，以及在古巨基主演新片中飾演「曱甴王」，問到會否為HKTV拍劇，他表示這兩年都沒有時間，年底將舉行棟篤笑。

廖碧兒自爆朋友曾做媒人，騙她去相睇。

廖碧兒被安排與一名「羊男」相睇。

對於被影到跟新女伴拍拖睇舖，向來不喜歡提感情事的他，即變成「人肉錄音機」大放笑彈：「多謝大家關心，十分感激大家關心，我含着笑感激大家關心，但呢件係私事。（發展穩定？）我穩定地多謝大家關心。」

朋友充當媒人

同場的Bernice穿上紅色背心裙大騷三吋事業線，甚有睇頭！肖馬的她被指跟肖牛及羊的男士較夾，大會即安排一名「羊男」跟Bernice相睇，令她顯得手足無措，問到當眾相睇是否感尷尬？她說：「冇所謂，都幾搞笑。（專揀屬牛羊男仔？）冇啦！唔通一嚟就問人屬乜先咩。（之前試過相睇？）朋友呃我出嚟，原來係介紹男仔我識，佢哋仲緊張過我家人！（依家有人追？）有約會食飯。」對於被指來年感情運不順，Bernice指一向只努力工作。

文：影視組