薛凱琪收善款淚浸雙豬

薛凱琪早前推出首批五千張新專輯《Tenacious》火速售罄，為慶祝新碟銷情理想，Fiona昨日舉行相隔七年的簽唱會，吸引二百多人圍觀及排隊攞簽名。

新年未必見祖名

積極行善的Fiona近年一有時間即孖住母親到元朗「樂心動物庇護」狗場當義工，照顧二百多隻被遺棄的貓狗，由於狗場面臨收地要另覓「新竇」，故Fiona近月也努力為新狗場籌款。歌迷得悉Fiona如此落力，即自發性四出籌募經費，昨日更將塞滿善款的兩個豬仔錢罌交給Fiona，令她感動得淚流滿面。

新年將至，問會否到緋聞男友房祖名家拜年？Fiona說：「新年我喺台灣拍戲，應該得年初一至初三喺香港，不過會陪父母。（房祖名喺台灣都有屋？）係咩？唔知。」

薛凱琪近年經常到元朗的狗場做義工（資料圖片）	收到兩個載滿善款的豬仔錢罌，薛凱琪感動落淚。	薛凱琪在台上與歌迷玩遊戲。

唔怕鄧麗欣威脅

對於有傳黃柏高（Paco）將與鄧麗欣簽約，Fiona說：「有聽聞，Paco簽咩人都係獨立單位，最緊要做好自己。（已經係一姐，唔驚分薄資源？）千祈唔好叫我阿姐，凱琪得o架喇。」Fiona又讚鄧麗欣靚女：「我同佢歌路、戲路都唔同，唔會有競爭，一間公司應該有唔同類型藝人。」

文：音樂組