陳嘉桓倒奶寫揮春拋窒黃宗澤
無綫小生黃宗澤（Bosco）昨日與女星陳嘉桓（Rose）出席活動，面對夾出3吋事業線的Rose，Bosco即目不斜視兼大叫「唔好」！他更開口望新一年覓得獨立、聰明女友，Rose則稱要為「空置」的Bosco做紅娘。
黃宗澤（Bosco）昨日偕陳嘉桓（Rose）出席「馬藝遊園」揭幕禮，身穿桃紅色tube dress的Rose大騷3吋事業線，席間更「倒奶」寫揮春。當Bosco向她鞠躬派利是時，Rose禮貌地鞠躬雙手接，Bosco竟擰歪面大叫「唔好烏」，場面爆笑！事後他直言尷尬，記者笑他「有乜未見過」，他謂：「係唔應該望。」談到近日兩人合拍新片《男人唔可以窮》，Rose更被拍得谷胸造型，Bosco說：「嗰日同佢開工，除咗導演要求我望，我都唔敢望佢，依家做訪問都唔敢45度向下望。」
開口恨良緣
談到感情方面，Bosco反問有否好介紹：「我要獨立啲、聰明啲，唔要湊女。」在旁的Rose笑道：「我一定唔啱你，等我幫你搵。」問Bosco身旁的Rose是否適合人選？Rose搶答：「佢唔要湊女。（你要人湊？）啲人誤會我仲係細路女，你（Bosco）都不停話要請我食嘢啦。（Bosco請食飯咪似係追你？）唔係，開工全組人都知我鍾意食嘢。」
雖然Bosco坦言對方似細路，但讚Rose食得開懷兼食極唔肥：「好少女仔唔減肥啦。」說得興起時更自爆：「有日拍戲等埋位，佢突然話『你都空置咗一段時間』，聽到呢個新名詞都幾得意，（你哋冇火花？）我哋演戲有火花。」
否認冧女王
對於獲大會稱為「鑽石型男冧女王」，Bosco連忙否認：「多謝大家畀面。（你煮嘢勁，用嚟冧女？）煮嘢食係一個條件啫，唔係攞嚟冧女。」他自言最拿手煮西餐，以前女友試過均讚好，問他是否炮製心形牛扒？他笑道：「心形係噱頭啫，好唔好食先緊要。」
文：影視組